બાપ રે! પોલીસ સ્ટેશનમાં જ દીકરી-જમાઈને પરિવારવાળાએ જાહેરમાં ધોઈ નાખ્યા! જુઓ લાઈવ ડ્રામા!

Naroda Police: અમદાવાદના કૃષ્ણનગર પોલીસ સ્ટેશન (Krishnanagar Police Station) માં એક ચોંકાવનારી ઘટના સામે આવી છે, જ્યાં કાયદા અને વ્યવસ્થાના રક્ષકોની હાજરીમાં જ એક પરિવારે પોતાની પુત્રી અને જમાઈ પર હુમલો કરી દીધો. સમાજ અને પરિવારની મરજી વિરુદ્ધ પ્રેમલગ્ન કરનાર નવદંપતી જ્યારે પોતાનું નિવેદન નોંધાવવા પોલીસ સ્ટેશન પહોંચ્યું, ત્યારે યુવતીના પરિવારે કાયદાનો કોઈ પણ ડર રાખ્યા વિના પોલીસ સ્ટેશનની અંદર જ ધમાલ મચાવી દીધી હતી. આ ઘટનાને પગલે નરોડા પોલીસ (Naroda Police) સ્ટેશનમાં ચાર લોકો સામે ગુનો નોંધવામાં આવ્યો છે.

ગુમ થયેલી પુત્રી અને પ્રેમલગ્નનો ખુલાસો
સમગ્ર ઘટનાની વિગત એવી છે કે, કૃષ્ણનગર વિસ્તારમાં રહેતી ૨૬ વર્ષીય પાયલ પટણી (Payal Patni) ગત ૨૩ મેના રોજ પોતાના ઘરેથી ચમનપુર (Chamanpur) જવાનું કહીને નીકળી હતી. જો કે, લાંબા સમય સુધી તે ઘરે પરત ન ફરતાં ચિંતિત પરિવારે પોલીસનો સંપર્ક કર્યો હતો અને આ અંગે પોલીસ સ્ટેશનમાં જાણવાજોગ નોંધ કરાવી હતી. પોલીસે આ મામલે તાત્કાલિક તપાસ હાથ ધરી હતી. પોલીસ તપાસ દરમિયાન સામે આવ્યું કે પાયલ ગુમ નથી થઈ, પરંતુ તેણે ગત વર્ષે ઓગસ્ટ મહિનામાં જ મિર્ઝાપુર (Mirzapur) ખાતે ઠક્કરબાપાનગર (Thakkarbapanagar) વિસ્તારમાં રહેતા ચંદુ ચારણ (Chandu Charan) નામના યુવક સાથે પ્રેમલગ્ન કરી લીધા હતા.

પોલીસ સ્ટેશન જ બન્યું અખાડો
ગઈકાલે રાત્રે પોલીસે કાયદાકીય પ્રક્રિયાના ભાગરૂપે પાયલ પટણી (Payal Patni) અને ચંદુ ચારણ (Chandu Charan) ને તેમનું નિવેદન નોંધાવવા માટે કૃષ્ણનગર પોલીસ સ્ટેશન (Krishnanagar Police Station) ખાતે બોલાવ્યા હતા. આ સાથે જ પોલીસે પાયલના લગ્નની જાણ તેના માતા-પિતાને કરીને તેમને પણ પોલીસ સ્ટેશન આવવા જણાવ્યું હતું. દીકરીના આ પ્રેમલગ્નના સમાચાર સાંભળતા જ પરિવારના સભ્યો ગુસ્સાથી લાલચોળ થઈ ગયા હતા. પાયલની માતા રેખાબેન પટણી (Rekhaben Patni), બહેન પિન્કી (Pinki), ભાઈ મેહુલ (Mehul) અને માસી લીલાબેન (Lilaben) તાત્કાલિક પોલીસ સ્ટેશન પહોંચ્યા હતા. પોલીસ સ્ટેશનમાં પોતાની દીકરીને ચંદુ સાથે જોતાં જ પરિવારનો ગુસ્સો ફાટી નીકળ્યો હતો અને તેમણે કઈ પણ વિચાર્યા વિના પોલીસ સ્ટેશનની અંદર જ પાયલ અને ચંદુ સાથે મારપીટ શરૂ કરી દીધી હતી.

નરોડા પોલીસે ગુનો નોંધી તપાસ શરૂ કરી
પોલીસ સ્ટેશનની અંદર અચાનક શરૂ થયેલી આ મારામારીને કારણે ત્યાં હાજર પોલીસ સ્ટાફ પણ ચોંકી ગયો હતો. પોલીસે તાત્કાલિક વચ્ચે પડીને મામલો થાળે પાડવાનો પૂરો પ્રયાસ કર્યો હતો અને દંપતીને બચાવ્યા હતા. તેમ છતાં ઉશ્કેરાયેલા પરિવારે પોલીસ સ્ટેશનની અંદર અને બહાર જાહેર રોડ પર ભારે આતંક મચાવ્યો હતો. તેમણે જોરજોરથી બૂમો પાડીને જાહેર જનતા વચ્ચે ભયનું વાતાવરણ ઊભું કર્યું હતું અને સુલેહ-શાંતિનો ભંગ કર્યો હતો. આખરે નરોડા પોલીસે (Naroda Police) કાયદો હાથમાં લેવા બદલ અને હંગામો કરવા બદલ રેખાબેન પટણી, પિન્કીબેન, મેહુલભાઈ અને લીલાબહેન પટણી સામે ગુનો નોંધીને કાયદેસરની કાર્યવાહી હાથ ધરી છે.