Celebrity Fitness Secrets: યોગ એ માત્ર શારીરિક વ્યાયામ નથી, પરંતુ એક સંપૂર્ણ જીવન દર્શન છે જે શરીર અને મનની સુખાકારી જાળવવામાં મદદ કરે છે. ૨૧ જૂન, આંતરરાષ્ટ્રીય યોગ દિવસ (International Yoga Day) નિમિત્તે, ચાલો વાત કરીએ ઓટીટી (OTT) પ્લેટફોર્મની એવી લોકપ્રિય અભિનેત્રીઓની, જેઓ યોગને પોતાની દિનચર્યાનો મહત્વનો ભાગ બનાવીને લાખો ચાહકોને સ્વસ્થ જીવનશૈલી અપનાવવા પ્રેરિત કરે છે.
જેનિફર વિંગેટ: ડિસિપ્લિન અને ડેડિકેશનનું બીજું નામ
ટેલિવિઝન અને ઓટીટી (OTT) જગતની સૌથી લોકપ્રિય અભિનેત્રીઓમાં સ્થાન મેળવનાર જેનિફર વિંગેટ (Jennifer Winget) પોતાની ફિટનેસ રૂટિનમાં નિયમિતપણે યોગનો સમાવેશ કરે છે. તેમની શિસ્તબદ્ધ જીવનશૈલી અને જટિલ આસનો કરવાની શૈલી તેમના ફિટનેસ પ્રત્યેના સમર્પણને દર્શાવે છે. જેનિફર વિંગેટ ‘કોડ એમ’ (Code M) અને ‘રાયસિંઘાની વર્સીસ રાયસિંઘાની’ (Raisinghani vs Raisinghani) જેવી લોકપ્રિય વેબ સિરીઝમાં પોતાની શાનદાર એક્ટિંગથી દર્શકોના દિલ જીતી ચૂકી છે.
પ્રાજક્તા કોલી: માનસિક સંતુલન માટે યોગ
યુટ્યુબ કન્ટેન્ટ ક્રિએટરથી સફરની શરૂઆત કરીને એક સફળ અભિનેત્રી બનેલી પ્રાજક્તા કોલી (Prajakta Koli) આજે ભારતના યુવાનો માટે રોલ મોડેલ છે. શૂટિંગના વ્યસ્ત શેડ્યૂલ વચ્ચે પણ તે યોગ કરવા માટે સમય કાઢી લે છે અને સોશિયલ મીડિયા (Social Media) પર પોતાના યોગ સેશનની ઝલક શેર કરતી રહે છે. પ્રાજક્તાનું માનવું છે કે યોગ શારીરિક સ્વાસ્થ્ય સાથે માનસિક શાંતિ જાળવવામાં પણ અદભુત મદદ કરે છે. તે ‘મિસમેચ્ડ’ (Mismatched) અને ‘અંધેરા’ (Andhera) જેવી લોકપ્રિય ઓટીટી સિરીઝમાં જોવા મળી છે.
હેલી શાહ: ફિઝિકલ સ્ટ્રેન્થ અને માનસિક શાંતિનો સમન્વય
અભિનેત્રી હેલી શાહ (Helly Shah) પોતાની ફિટનેસ જાળવી રાખવા માટે રોજેરોજ યોગાભ્યાસ કરે છે. યોગ તેમના શરીરની મજબૂતાઈ અને મનની શાંતિ વધારવામાં મહત્વની ભૂમિકા ભજવે છે. તેની આ ફિટનેસ જર્ની યુવા ચાહકોને ખૂબ જ પ્રેરિત કરે છે. ઉલ્લેખનીય છે કે હેલી શાહ તાજેતરમાં જ ભારે લોકપ્રિયતા ધરાવતી સિરીઝ ‘ગુલ્લક 4’ (Gullak 4) બાદ તેના આગામી સીઝન ‘ગુલ્લક 5’ (Gullak 5) માં પોતાની એક્ટિંગના જલવા વિખેરી ચૂકી છે.
મિથિલા પાલકર: નેચરલ બ્યુટી અને યોગિક લાઈફસ્ટાઈલ
પોતાની સહજ એક્ટિંગ અને ક્યુટ અંદાજ માટે જાણીતી મિથિલા પાલકર (Mithila Palkar) પણ યોગને પોતાની લાઈફસ્ટાઈલનો એક અવિભાજ્ય હિસ્સો માને છે. તેના માટે યોગ માત્ર શરીરને સ્લિમ રાખવાનું માધ્યમ નથી, પરંતુ તે આંતરિક શાંતિ અને જીવનમાં સંતુલન મેળવવાનો શ્રેષ્ઠ રસ્તો છે. મિથિલા ‘લિટલ થિંગ્સ’ (Little Things), ‘ત્રિભંગા’ (Tribhanga) અને ‘ગર્લ ઇન ધ સિટી’ (Girl In The City) જેવી સુપરહિટ ઓટીટી સીરીઝમાં કામ કરી ચૂકી છે.
અલાયા એફ: એડવાન્સ યોગાસનની ક્વીન
અલાયા એફ (Alaya F) પોતાની સુપર-ફ્લેક્સિબલ ફિટનેસ અને અઘરા એડવાન્સ યોગાશનો ખૂબ જ સરળતાથી કરવા માટે જાણીતી છે. તે અવારનવાર સોશિયલ મીડિયા હેન્ડલ્સ પર પોતાના એડવાન્સ યોગા અને હાર્ડકોર વર્કઆઉટ વીડિયો શેર કરીને ફિટનેસ પ્રેમીઓને નવું લક્ષ્ય આપે છે. અલાયા ‘યુ ટર્ન’ (U-Turn) અને ‘ઓલમોસ્ટ પ્યાર વિથ ડીજે મોહબ્બત’ (Almost Pyaar with DJ Mohabbat) જેવી ઓટીટી ફિલ્મોમાં પોતાની એક્ટિંગ પાવર સાબિત કરી ચૂકી છે.
