AI Revolution India: નવી દિલ્હીમાં આયોજિત વાર્ષિક બિઝનેસ સમિટમાં અદાણી ગ્રુપ (Adani Group) ના ચેરમેન ગૌતમ અદાણીએ જણાવ્યું હતું કે, આર્ટિફિશિયલ ઇન્ટેલિજન્સ (Artificial Intelligence) નો પ્રભાવ માત્ર કોર્પોરેટ બોર્ડરૂમ સુધી સીમિત ન રહેવો જોઈએ. તેનો સાચો માપદંડ એ હોવો જોઈએ કે તેનાથી દેશના સામાન્ય લોકો, કામદારો અને નાના ઉદ્યોગોને કેટલો ફાયદો થઈ રહ્યો છે. તેમણે ભારપૂર્વક જણાવ્યું હતું કે એઆઈ (AI) એ ઉત્પાદકતા વધારવા અને રોજગાર નિર્માણ કરવા માટેનું સાધન બનવું જોઈએ.
યુપીઆઈ (UPI) જેવી ક્રાંતિની જરૂરિયાત
ગૌતમ અદાણીએ યુપીઆઈ (UPI – Unified Payments Interface) ના સફળ મોડેલનો ઉલ્લેખ કરતા કહ્યું કે, ટેકનોલોજી ત્યારે જ સફળ થાય છે જ્યારે તે સામાન્ય જનતા સુધી પહોંચે. જેમ યુપીઆઈએ નાના વેપારીઓને આર્થિક ઇકોસિસ્ટમમાં સ્થાન અપાવ્યું, તેવી જ રીતે એઆઈ (AI) એ દરેક ભારતીય માટે વૈશ્વિક સ્તરે સ્પર્ધા કરવાનું માધ્યમ બનવું જોઈએ.
ભારતનું પોતાનું એઆઈ ઈન્ફ્રાસ્ટ્રક્ચર
તેમણે ચેતવણી આપી હતી કે ભારત માટે એઆઈ (AI) સંબંધિત ઈન્ફ્રાસ્ટ્રક્ચર ‘ભાડે’ લેવું જોખમી બની શકે છે. ડેટા એ રાષ્ટ્રીય સંસાધન છે, તેથી ભારતે પોતાની ધરતી પર જ ડેટા સેન્ટર્સ, કમ્પ્યુટ ઈન્ફ્રાસ્ટ્રક્ચર અને નેટવર્ક ઊભું કરવું જોઈએ. અદાણી ગ્રુપે ડિજિટલ ઈન્ફ્રાસ્ટ્રક્ચર અને ક્લીન એનર્જી માટે 100 બિલિયન ડોલર (100 Billion Dollars) ના રોકાણની જાહેરાત કરી છે, જેમાં ગૂગલ (Google) અને માઈક્રોસોફ્ટ (Microsoft) જેવી દિગ્ગજ કંપનીઓ સાથેની ભાગીદારીનો પણ સમાવેશ થાય છે.
