Ahmedabad Mumbai Special Train: IPL ૨૦૨૬ની મહાફાઇનલ મેચ જોવા જઈ રહેલા ક્રિકેટ ચાહકો માટે પશ્ચિમ રેલવે (Western Railway) દ્વારા એક મોટા સમાચાર સામે આવ્યા છે. અમદાવાદ (Ahmedabad) ના નરેન્દ્ર મોદી સ્ટેડિયમ (Narendra Modi Stadium) માં રમાનારી ફાઇનલ મેચને પગલે મુસાફરોનો ભારે ધસારો જોવા મળી રહ્યો છે. ફ્લાઇટની ટિકિટોના આસમાને પહોંચેલા ભાવો અને નિયમિત ટ્રેનોમાં લાંબા વેટિંગ લિસ્ટને ધ્યાનમાં રાખીને રેલવે પ્રશાસન દ્વારા અમદાવાદ અને મુંબઈ (Mumbai) વચ્ચે બે વિશેષ એસી સુપરફાસ્ટ ટ્રેન (AC Superfast Special Trains) ચલાવવાની સત્તાવાર જાહેરાત કરવામાં આવી છે. આ ટ્રેનો આગામી ૩૧ મે અને ૧ જૂનના રોજ દોડાવવામાં આવશે, જે ફેન્સને કોઈ પણ મુશ્કેલી વિના સ્ટેડિયમ સુધી પહોંચવામાં મદદ કરશે.
૩૧ મેના રોજ મુંબઈ સેન્ટ્રલથી ઉપડશે પ્રથમ સ્પેશિયલ ટ્રેન
રેલવેના સત્તાવાર સમયપત્રક મુજબ, પ્રથમ ટ્રેન નંબર ૦૯૦૨૧ મુંબઈ સેન્ટ્રલ (Mumbai Central) થી અમદાવાદ વચ્ચે ૩૧ મે (૩૧ May) ના રોજ દોડશે. આ એસી સુપરફાસ્ટ ટ્રેન મુંબઈ સેન્ટ્રલથી વહેલી સવારે ૦૬:૨૦ વાગ્યે ઉપડશે અને તે જ દિવસે બપોરે ૧૨:૪૦ વાગ્યે અમદાવાદ આવી પહોંચશે. આ સમય એ રીતે નક્કી કરાયો છે જેથી મુંબઈ અને મહારાષ્ટ્રના અન્ય વિસ્તારોમાંથી આવતા ક્રિકેટ ચાહકો મેચ શરૂ થવાના કલાકો પહેલા અમદાવાદ પહોંચી શકે અને આરામથી સ્ટેડિયમમાં પ્રવેશી શકે. આ ટ્રેન માર્ગમાં બોરીવલી (Borivali), વાપી (Vapi), સુરત (Surat), ભરૂચ (Bharuch) અને વડોદરા (Vadodara) જેવા મહત્વના સ્ટેશનો પર સ્ટોપેજ ધરાવશે.
મેચ બાદ ૧ જૂને અમદાવાદથી મુંબઈ પરત ફરવાની સુવિધા
ફાઇનલ મેચ પૂર્ણ થયા બાદ મુંબઈ પરત ફરતા પ્રવાસીઓ માટે ટ્રેન નંબર ૦૯૦૪ અમદાવાદ થી બાંદ્રા ટર્મિનસ (Bandra Terminus) સ્પેશિયલ ટ્રેન દોડાવવામાં આવશે. આ ટ્રેન ૧ જૂન (૧ June) ના રોજ વહેલી સવારે ૦૩:૫૦ વાગ્યે અમદાવાદ સ્ટેશનથી ઉપડશે અને તે જ દિવસે બપોરે ૧૨:૧૫ વાગ્યે બાંદ્રા ટર્મિનસ પહોંચશે. મેચ રાત્રે મોડી પુરી થતી હોવાથી વહેલી સવારનો આ સમય મુંબઈગરાઓ માટે ખૂબ જ અનુકૂળ સાબિત થશે. પ્રવાસીઓએ ખાસ નોંધ લેવી કે આ બંને ટ્રેનોનું સંચાલન વિશેષ ભાડા (Special Fare) સાથે કરવામાં આવશે, જેથી આ ટ્રેનોમાં સામાન્ય દર કરતાં થોડું પ્રીમિયમ ભાડું ચૂકવવાનું રહેશે. આ ટ્રેનોનું બુકિંગ આઈઆરસીટીસી (IRCTC) ની વેબસાઈટ અને રેલવે કાઉન્ટર પર શરૂ કરી દેવાયું છે.
