Rajkot Haribhai Jadav Suicide Case: રાજકોટ (Rajkot) જિલ્લામાં હૃદયકંપાવનારી ઘટના સામે આવી છે, જ્યાં મિત્રો અને પાડોશીઓની ભયાનક માનસિક વિકૃતિ અને બ્લેકમેલિંગથી (Blackmail) કંટાળીને એક આધેડે ગળે ફાંસો ખાઈ આપઘાત (Suicide) કરી લેતા સમગ્ર પંથકમાં ભારે ચકચાર મચી ગઈ છે. રાજકોટ તાલુકાના હડથલી (Hadthali) ગામે બનેલી આ સળગતી ઘટનાએ ગ્રામ્ય વિસ્તારમાં સનાટો મચાવી દીધો છે. પોલીસને ઘટનાસ્થળેથી એક ચિઠ્ઠી પણ મળી આવી છે.
સુસાઈડ નોટમાં ચોંકાવનારા ખુલાસા, શેઢા પાડોશીઓ મુખ્ય સૂત્રધાર
હડથલી ગામના રહેવાસી હરિભાઈ જાદવ (Haribhai Jadav) નામના આધેડે આપઘાત કરતા પહેલા એક વિગતવાર સુસાઈડ નોટ (Suicide Note) લખી છે. આ નોટમાં તેમને મરવા માટે મજબૂર કરનારા ક્રૂર શખ્સોના નામોનો પર્દાફાશ કરવામાં આવ્યો છે. મૃતકે પત્રમાં પોતાના શેઢા પાડોશી નરેશભાઈ (Nareshbhai) અને રવજીભાઈ (Ravjibhai) ના નામોનો સ્પષ્ટ ઉલ્લેખ કર્યો છે. આ ઉપરાંત, અન્ય 6 અજાણ્યા લોકો પણ આ ઘૃણાસ્પદ અને ગુનાહિત કૃત્યમાં સામેલ હોવાની ચોંકાવનારી વિગતો ડાયરીમાંથી બહાર આવી છે.
વિકૃત ફોટા પાડી સોશિયલ મીડિયામાં વાયરલ કરવાની ધમકી આપી
સુસાઈડ નોટમાં કરેલા ગંભીર આક્ષેપો મુજબ, આરોપીઓ હરિભાઈ પાસે પરાણે વિકૃત કામો કરાવતા હતા. એટલું જ નહીં, આરોપીઓ આ વિકૃત કૃત્યોના ફોટોગ્રાફ્સ (Photos) પાડીને તેમને સતત બ્લેકમેલ કરતા હતા. આરોપીઓએ આ ખાનગી ફોટા સોશિયલ મીડિયા પર વાયરલ કરવાની ધમકી આપીને હરિભાઈ પાસે 20 લાખ રૂપિયા (Rs 20 Lakh) ની માતબર રકમની માંગણી કરી હતી. આ માનસિક ત્રાસ અને સામાજિક પ્રતિષ્ઠા હણાવવાનો ડર અસહ્ય બનતા તેમને આ આત્યંતિક પગલું ભર્યું હતું.
પુત્ર પાસે જમીન વેચીને નાણાં ચૂકવવાની લાચારી વ્યક્ત કરી હતી
આપઘાતનો ભયાનક નિર્ણય લેતા પહેલા હરિભાઈએ તેમના પુત્ર (Son) ને ફોન પર આ સમગ્ર કાવતરા અને બ્લેકમેલિંગ અંગે વિગતવાર વાતચીત કરી હતી. આરોપીઓના ત્રાસથી બચવા માટે તેમણે પોતાની કિંમતી ખેતીની જમીન (Land) વેચીને પણ નાણાં ચૂકવી દેવાની લાચારી વ્યક્ત કરી હતી. જોકે, આ ભયાનક દબાણ અને આઘાત સહન ન થતાં આખરે તેમને પોતાનો જીવ ગુમાવ્યો હતો. હાલમાં મૃતદેહને પીએમ માટે રાજકોટ સિવિલ હોસ્પિટલ (Rajkot Civil Hospital) ના ફોરેન્સિક (Forensic) વિભાગમાં ખસેડવામાં આવ્યો છે. રાજકોટ ગ્રામ્ય પોલીસ (Rajkot Police) આ મામલે સઘન તપાસ ચલાવી રહી છે.
