Vadodara Murder Case: સંસ્કારી નગરી વડોદરામાં (Vadodara) ગુનેગારો બેફામ બન્યા હોય તેમ વધુ એક કરપીણ હત્યાની (Murder) ઘટના સામે આવી છે. વડોદરાના કલાલી (Kalali) વિસ્તારમાં એક સામાજિક પ્રસંગમાં ગયેલા ૨૮ વર્ષના યુવાનની છરીના અસંખ્ય ઘા મારીને ઘાતકી હત્યા કરવામાં આવતા સમગ્ર પંથકમાં ચકચાર મચી ગઈ છે. આ ઘટનાને પગલે સ્થાનિક પોલીસનો કાફલો ઘટનાસ્થળે દોડી ગયો હતો અને કાયદેસરની કાર્યવાહી હાથ ધરી છે.
જૂની અદાવતમાં ખેલાયો લોહિયાળ ખેલ
મળતી માહિતી મુજબ, મૃતક યુવાનનું નામ ગિરીશ ભાલિયા (Girish Bhaliya) હતું. તે કલાલી વિસ્તારમાં યોજાયેલા એક પ્રસંગમાં હાજરી આપવા માટે ગયો હતો. તે દરમિયાન ત્યાં આવેલા હુમલાખોરોએ પૂર્વ આયોજિત કાવતરાના ભાગરૂપે જૂની અદાવતનો (Old Enmity) વેર વાળવા માટે ગિરીશ પર તીક્ષ્ણ હથિયારો વડે હુમલો કરી દીધો હતો. હુમલાખોરોએ ગિરીશને શરીરના ભાગે છરીના આડેધડ ઘા ઝીંકી દીધા હતા, જેના કારણે તે લોહીલુહાણ હાલતમાં ઢળી પડ્યો હતો અને તેનું મોત નીપજ્યું હતું.
પત્નીની નજર સામે જ પતિને મોતને ઘાટ ઉતાર્યો
આ સમગ્ર ઘટનાની સૌથી હૃદયદ્રાવક બાબત એ છે કે, જ્યારે હુમલાખોરો ગિરીશ ભાલિયા (Girish Bhaliya) પર છરી વડે તૂટી પડ્યા ત્યારે તેની પત્ની (Wife) પણ ત્યાં જ હાજર હતી. હત્યારાઓએ પત્નીની નજર સામે જ તેના પતિની નિર્મમ હત્યા કરી નાખી હતી. પત્ની પોતાના પતિને બચાવવા માટે આજીજીઓ કરતી રહી, પરંતુ પાપીઓનું દિલ પીગળ્યું ન હતું. આ ભયાનક દ્રશ્ય જોઈને સ્થાનિક લોકો અને પ્રસંગમાં આવેલા મહેમાનોમાં પણ ફફડાટ વ્યાપી ગયો હતો.
મારવાડી શખ્સો પર પરિવારનો ગંભીર આક્ષેપ
આ ઘટનાને પગલે ગિરીશના પરિવારમાં ભારે આક્રોશ અને શોકનો માહોલ છે. મૃતકના પરિવારે કરણ મારવાડી (Karan Marwadi) અને દર્શન મારવાડી (Darshan Marwadi) નામના બે શખ્સો પર હત્યા કરવાનો સીધો આક્ષેપ લગાવ્યો છે. પરિવારાના જણાવ્યા મુજબ, આ શખ્સો સાથે ગિરીશને અગાઉથી જ કોઈ બાબતે અદાવત ચાલી રહી હતી અને તે જ અદાવત રાખીને આ બંનેએ ગિરીશની હત્યા કરી નાખી છે.
પરિવારે એકનો એક પુત્ર અને દીકરીએ પિતાની છત્રછાયા ગુમાવી
આ ઘાતકી હત્યાના કારણે એક હસતો-ખેલો પરિવાર ઉજ્જડ થઈ ગયો છે. વૃદ્ધ માતા-પિતાએ પોતાનો એકનો એક પુત્ર (Only Son) ગુમાવ્યો છે, જ્યારે માસૂમ દીકરીએ (Daughter) પિતાની છત્રછાયા ગુમાવી દીધી છે. ઘટનાની જાણ થતાં જ વડોદરા પોલીસની (Vadodara Police) ટીમ ઘટનાસ્થળે પહોંચી હતી. પોલીસે આ મામલે હત્યાનો ગુનો (Murder Case) નોંધીને ફરાર આરોપીઓને પકડવા માટે ચક્રો ગતિમાન કર્યા છે.
