KKK15 Contestants: જાણીતા સોશિયલ મીડિયા પર્સનાલિટી ઓરી (Orry) એ ફરી એકવાર રિયાલિટી શો ‘ખતરો કે ખિલાડી’ (Khatron Ke Khiladi) ના સેટ પરથી ઇન્સ્ટાગ્રામ સ્ટોરી (Instagram Story) શેર કરીને ફેન્સનું ધ્યાન ખેંચ્યું છે. સામાન્ય રીતે પોતાની રમુજી પોસ્ટ્સ માટે જાણીતા ઓરીની આ વખતની પોસ્ટ ખૂબ જ ઈમોશનલ છે, જેના કારણે સોશિયલ મીડિયા પર ભારે ચર્ચા જાગી છે કે શું તેઓ શોમાંથી બહાર થઈ ગયા છે?
અન્ય કન્ટેસ્ટન્ટ્સ સાથે શેર કર્યો ભાવુક મેસેજ
ઓરીએ પોતાના સત્તાવાર સોશિયલ મીડિયા એકાઉન્ટ પર એક તસવીર શેર કરી છે, જેમાં તેઓ પોતાના પ્રથમ રિયાલિટી શો ‘ખતરો કે ખિલાડી 15’ (Khatron Ke Khiladi 15) ના અન્ય સ્પર્ધકો સાથે પોઝ આપતા જોવા મળી રહ્યા છે. આ ફોટોની સાથે ઓરીએ એક ખૂબ જ ભાવુક કેપ્શન લખ્યું છે – “આટલા પ્રેમાળ લોકો, આટલી સુંદર યાદો… હું તમારા બધાને ખૂબ જ મિસ કરીશ.” આ ઈમોશનલ મેસેજની સાથે તેમણે શોનો હેશટેગ પણ વાપર્યો છે.
જેકેટ વગર જોવા મળ્યા ઓરી: એવિકશનની અટકળો તેજ
ઓરીની આ પોસ્ટે ફેન્સ વચ્ચે નવી ચર્ચા છેડી દીધી છે. સોશિયલ મીડિયા યુઝર્સે એક ખાસ વાત પર ગંભીરતાથી ધ્યાન આપ્યું છે કે ગ્રુપ ફોટોમાં બાકીના તમામ કન્ટેસ્ટન્ટ્સ શોનું ઓફિશિયલ ‘ખતરો કે ખિલાડી 15’ જેકેટ (Official Jacket) પહેરેલા જોવા મળી રહ્યા છે, જ્યારે ઓરીએ તે જેકેટ પહેર્યું નથી. આ જ કારણે એવી અટકળો તેજ થઈ ગઈ છે કે ઓરી શોમાંથી એવિક્ટ (Evicted) એટલે કે બહાર થઈ ચૂક્યા છે.
સત્તાવાર જાહેરાતની રાહ, પણ ફેન્સમાં ઉત્સુકતા વધી
પોસ્ટના ઈમોશનલ ટોન અને ટાઈમિંગે આ અફવાઓને વધુ હવા આપી છે. જો કે, અત્યાર સુધી શોના મેકર્સ કે ઓરી તરફથી તેમની સ્થિતિ અંગે કોઈ સત્તાવાર પુષ્ટિ (Official Confirmation) કરવામાં આવી નથી. પરંતુ તેમની આ સ્ટોરીએ આગામી સિઝનને લઈને દર્શકોમાં ભારે ઉત્સુકતા વધારી દીધી છે. શોનો હિસ્સો બન્યા ત્યારથી જ ઓરી સતત સેટ પરથી મજેદાર બિહાઈન્ડ-ધ-સીન્સ (Behind-The-Scenes) ઝલક શેર કરતા રહે છે.
