Gujarat Weather Update: અરબી સમુદ્રમાં સર્જાયેલા ડિપ્રેશનના કારણે રાજ્યમાં ભારે વરસાદની આગાહી આપવામાં આવી છે. હવામાન વિભાગે જણાવ્યું છે કે આવનારા ત્રણ દિવસ રાજ્યમાં ભારેથી અતિભારે વરસાદ પડી શકે છે. અરબી સમુદ્રમાં જે ડિપ્રેશન સર્જાયું છે, તેની અસર રાજ્યમાં જોવા મળી શકે છે અને તેના કારણે ભારે વરસાદ પડી શકે છે. આવનારા ત્રણ દિવસ રાજ્યમાં ભારેથી અતિભારે વરસાદ વરસવાની આગાહી આપવામાં આવી છે.
સમાચારથી અપડેટ રહેવા અમારા વોટ્સએપ ગ્રુપમાં જોડાવા અહીં ક્લિક કરો.
સૌરાષ્ટ્રના ત્રણ જિલ્લામાં ભારે વરસાદની શક્યતા
ખાસ કરીને સૌરાષ્ટ્રના ત્રણ જિલ્લામાં કેટલાક સ્થળે અતિભારે વરસાદની શક્યતા સેવામાં આવી છે. અમરેલી, ભાવનગર અને બોટાદમાં અતિભારે વરસાદ પડવાની આગાહી છે. આ સિવાય, દક્ષિણ ગુજરાત અને મધ્ય ગુજરાતમાં પણ અનેક સ્થળે ભારે વરસાદની શક્યતા છે. હવામાન વિભાગ દ્વારા આગાહી આપવામાં આવી હતી કે આ જે ડિપ્રેશન બની રહ્યું છે તે ધીરે ધીરે ગુજરાતની તરફ આગળ વધી રહ્યું છે.
વરસાદની પરિસ્થિતિને સમજતાં, ગુજરાતનો દક્ષિણ ભાગ જોઈ શકાય છે જ્યાં આ વાવાજોડું સક્રિય જોવા મળી રહ્યું છે. ખાસ કરીને મુંબઈ, દમણ, સુરત એટલે કે દક્ષિણ ગુજરાતનો જે ભાગ છે અને મહારાષ્ટ્રનો મુંબઈની આસપાસનો વિસ્તાર છે, ત્યાં પણ આ વાવાજોડું સક્રિય હોય તેવું લાગી રહ્યું છે. આ ડિપ્રેશન ધીમે ધીમે ગુજરાતની તરફ આગળ વધી રહ્યું છે.
ગુજરાતના દરિયાકાંઠે એલર્ટ
આ સિસ્ટમ દક્ષિણ ગુજરાતના જે પણ ભાગો છે એટલે કે જૂનાગઢ, ભાવનગર, સોમનાથ, અને દ્વારકાની આસપાસનો ભાગ છે, તે દિશામાં આગળ વધવા જઈ રહ્યું છે. આ સિસ્ટમ દક્ષિણ ભારતમાંથી ધીરે ધીરે ઉત્તર ભારત તરફ આગળ વધી રહી છે. સાથે સાથે જ તે પૂર્વીય ભાગમાં પણ આગળ વધી રહ્યું છે, તેના કારણે મુંબઈમાં પણ તેની થોડીક અસર જોવા મળી શકે છે. આ ડિપ્રેશન ગુજરાતના દરિયાકાંઠે ખાસ કરીને ભારે અસર કરી શકે તેવી પણ શક્યતાઓ છે. તેને જ પગલે ભારે વરસાદનું એલર્ટ આપવામાં આવ્યું છે.
