Ahmedabad News: અમદાવાદના નરોડા વિસ્તારમાં 23 ઓક્ટોબરના રોજ એક મોટી વિદેશી દારૂ હેરાફેરી ઝડપાઇ. નરોડા નાના ચીલોડા ગામ ચારરસ્તા નજીક જાહેર રોડ પર આઇસરમાંથી ભારતીય બનાવટના વિદેશી દારૂ અને બિયર મળી આવ્યા. પોલીસે આ અકસ્માતમાં આઇસર ડ્રાઇવર સહિત 12 મહિલાઓને ધરપકડ કરી છે.
સમાચારથી અપડેટ રહેવા અમારા વોટ્સએપ ગ્રુપમાં જોડાવા અહીં ક્લિક કરો.
પોલીસની તપાસમાં જાણવા મળ્યું કે આ જથ્થામાં 180 મીલીની 49 પ્લાસ્ટિક બોટલ અને 361 ટીન બિયર હતી, કુલ 410 નંગ દારૂનો જથ્થો, જેની કિંમત 92,835 રૂપિયા થાય છે. આઇસર વાહન અને અન્ય સામાન સહિત કુલ 10,97835 રૂપિયાનો મુદ્દામાલ કબજે કરવામાં આવ્યો હતો.
આઈસરના ડાલામાં 12 મહિલાઓ છુપાઈને બેઠી હતી
તપાસ દરમ્યાન જાણવા મળ્યું કે આઇસર ચાલક ભગવતીલાલ મેઘવાલ (ઉંમર 36, ઉદયપુર, રાજસ્થાન) રાસ્તા દરમ્યાન નરોડા પોલીસને શંકાસ્પદ લાગ્યો. આઇસરનું પાછળનું ડાલું કાળી તાડપતરી અને રસ્સાથી બંધ કરેલું હતું. તપાસમાં 12 મહિલાઓ આઇસરમાં છુપાઇ બેઠી હતી, તેમજ કેટલાક થેલાઓમાંથી વિદેશી દારૂ અને બિયર મળી આવ્યા.
આ મહિલાઓ કુબેરનગર અને સરદારનગર, અમદાવાદની રહેવાસી હતી, જ્યારે કેટલાક અરવલ્લી જિલ્લાના મોડાસા તાલુકાના જીવણપુર ગામના રહેવાસી હતા. પોલીસ દ્વારા તેમની તપાસ કરવામાં આવી, જેમાં અન્ય કોઈ ગુનાહિત સામાન મળી ન આવ્યો.
પોલીસને મળેલ જણાવ્યા અનુસાર, આ મહિલા ગ્રુપે વિદેશી દારૂ અલગ-અલગ જગ્યાઓથી ખરીદી અને આઇસર ચલકને બમણા ભાડામાં નક્કી કરીને અમદાવાદ લાવવામાં મદદ કરી હતી. ત્યારબાદ હેરાફેરી કરેલી દારૂનું વેચાણ અને નફો વહેંચવાનું નક્કી હતું. સાબરમતી પોલીસ સ્ટેશન દ્વારા પ્રોહિબિશન એક્ટની કલમો હેઠળ કાયદેસરની કાર્યવાહી શરૂ કરી છે.
