Air Conditioner Tips: આજકાલના સમયમાં એર કંડિશનર (Air Conditioner – AC) દરેક ઘરમાં અનિવાર્ય બની ગયું છે. ઉનાળાની કાળઝાળ ગરમીમાં રાહત મેળવવા માટે લોકો દિવસ-રાત એસી ચલાવતા હોય છે. પરંતુ શું તમે ક્યારેય વિચાર્યું છે કે એસી રિમોટ પર આપેલા અલગ-અલગ બટનો ખરેખર કેવી રીતે કામ કરે છે? એસી રિમોટમાં એક મહત્વનું ફીચર હોય છે જેને ‘સ્વિંગ ફ્લેપ’ (Swing Flap) અથવા ‘સ્વિંગ મોડ’ કહેવામાં આવે છે. સામાન્ય રીતે આ ફ્લેપ રૂમમાં હવાના પ્રવાહની દિશા બદલવાનું કામ કરે છે. વિન્ડો એસી (Window AC) અને સ્પ્લિટ એસી (Split AC) બંનેમાં આ સુવિધા ઉપલબ્ધ હોય છે, જેને રિમોટની મદદથી ચાલુ કે બંધ કરી શકાય છે. ટેકનિકલ એક્સપર્ટ્સ (Experts) જણાવે છે કે આ મોડ ખૂબ જ ઉપયોગી છે, પરંતુ તેના ફાયદાની સાથે કેટલાક ગેરફાયદા પણ જોડાયેલા છે.
સમગ્ર રૂમમાં સરખી કુલિંગ અને કમ્ફર્ટ
એસીમાં આપવામાં આવેલો સ્વિંગ મોડ રૂમમાં હવાનું યોગ્ય પરિભ્રમણ કરવા માટે ડિઝાઇન કરવામાં આવ્યો છે. જ્યારે તમે આ મોડ ઓન કરો છો, ત્યારે ઠંડી હવા રૂમના દરેક ખૂણા સુધી પહોંચે છે. આનાથી આખો રૂમ ઝડપથી ઠંડો થાય છે. આ ફીચરનો સૌથી મોટો ફાયદો એ છે કે એસીની બરફ જેવી ઠંડી હવા સીધી તમારા શરીર પર કે ચહેરા પર નથી વાગતી, જેના કારણે હેલ્થ સંબંધિત સમસ્યાઓ થતી નથી અને વ્યક્તિને વધુ આરામદાયક (Comfort) અનુભવ થાય છે.
સ્વિંગ મોડ ક્યારે ચાલુ કરવો જોઈએ?
એક્સપર્ટ્સના મતે, કેટલીક ખાસ પરિસ્થિતિઓમાં સ્વિંગ ફ્લેપ ચલાવવું ખૂબ જ ફાયદાકારક સાબિત થાય છે:
૧. જ્યારે દિવસના સમયે રૂમમાં વધુ લોકો હાજર હોય.
૨. જો તમારા રૂમની સાઈઝ (Room Size) મોટી હોય, તો હવા ફેલાવવા માટે આ મોડ જરૂરી છે.
૩. આખા રૂમને એકસમાન રીતે ઠંડો રાખવા માટે.
૪. જ્યારે તમે ગરમીમાં બહારથી આવીને એસીને પહેલીવાર ચાલુ (Start) કરો છો, ત્યારે રૂમને ઝડપથી ઠંડો કરવા આ મોડ ઓન કરવો જોઈએ.
પાવર સેવિંગ (Power Saving) અને વીજળીનું બિલ
એસીના સ્વિંગ ફ્લેપથી વીજળીની બચત થાય છે કે નહીં, તે અંગે એક્સપર્ટ્સમાં બે અલગ-અલગ મત પ્રવર્તે છે. કેટલાક નિષ્ણાતોનું માનવું છે કે સ્વિંગ ફ્લેપ સતત ફરવાથી રૂમમાં કુલિંગ ઝડપથી થાય છે, જેના કારણે એસીનું કમ્પ્રેસર (Compressor) વહેલું બંધ થઈ જાય છે અને વીજળી પાવર (Electricity Power) બચે છે. જ્યારે બીજી તરફ, કેટલાક લોકો એવું માને છે કે ફ્લેપને સતત ફેરવવા માટે અંદર એક નાની મોટર (Motor) કામ કરતી હોય છે, જે વીજળી વાપરે છે. જો કે, આ મોટર ખૂબ જ ઓછી વીજળી વાપરે છે, તેથી તેનાથી બિલમાં બહુ મોટો તફાવત પડતો નથી.
સતત વપરાશથી થતું નુકસાન
જો એસીમાં સ્વિંગ મોટરને લાંબા સમય સુધી સતત ચાલુ રાખવામાં આવે, તો તે ઓવરહીટ થઈને ખરાબ થઈ શકે છે. મોટર જૂની કે નબળી થવા પર તેમાંથી વિચિત્ર અવાજ (Noise) આવવા લાગે છે, જે રાત્રે સૂતી વખતે ખલેલ પહોંચાડી શકે છે. તેથી, જરૂરિયાત મુજબ જ આ ફીચરનો ઉપયોગ કરવો હિતાવહ છે.
