Salangpur Hanumanji: સુપ્રસિદ્ધ યાત્રાધામ સાળંગપુરધામ શ્રી કષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી તારીખ 25-10-2025ને શનિવારના રોજ સાળંગપુરમાં વિરાજિત શ્રીકષ્ટભંજનદેવ હનુમાનજી મંદિરે નૂતન વર્ષ વિક્રમ સંવત 2082ના પહેલા શનિવારે મોટી સંખ્યામાં ભક્તો દાદાના દર્શન કરી રહ્યા છે.
સમાચારથી અપડેટ રહેવા અમારા વોટ્સએપ ગ્રુપમાં જોડાવા અહીં ક્લિક કરો.
મહત્ત્વનું છે કે, આજે શ્રીકષ્ટભંજન દેવ હનુમાનજીને ભારતની ચલણી નોટનો શણગાર કરાયો છે. શ્રીકષ્ટભંજન દેવ હનુમાનજીને પ્યોર સિલ્કના કાપડના વૃન્દાવનમાં 5 દિવસની મહેનતે એમ્બ્રોઇડરી વર્કવાળા વાઘા પહેરાવ્યા છે.
હનુમાનજીની આરતીનો લ્હાવો મોટી સંખ્યામાં ભક્તોએ લીધો
આજે સવારે મંગળા આરતી કોઠારી વિવેકસાગર સ્વામી દ્વારા કરવામાં આવી હતી. આ પછી શણગાર આરતી શાસ્ત્રી હરિપ્રકાશદાસ સ્વામી દ્વારા કરવામાં આવી હતી. આ આરતીનો લ્હાવો મોટી સંખ્યામાં ભક્તોએ લીધો હતો. આખું મંદિર પરિસર દાદાના ભક્તોથી ભરાઈ ગયું હતું.
હનુમાનજીના વિશેષ વાઘા વૃંદાવનમાં પાંચ દિવસની મહેનતે તૈયાર થયા
આજે કરાયેલા હનુમાનજીના શણગાર વિશે પૂજારી સ્વામીએ જણાવ્યું કે, નૂતન વર્ષ વિક્રમ સંવત 2082ના પહેલા શનિવારે શ્રી કષ્ટભંજન દેવ હનુમાનજી દાદાને સિંહાસને ચલણી નોટોનું શણગાર કરવામાં આવ્યો છે. જેમાં 10-20-50-100-200-500 રૂપિયાની નોટનો શણગાર કરવામાં આવ્યો છે. તો દાદાના વિશેષ વાઘા વૃંદાવનમાં પાંચ દિવસની મહેનતે તૈયાર થયા છે. પ્યોર સેલ્ફ ના કાપડ માંથી બનેલા વાઘામાં એમ્બ્રોઇડરી વર્ક કરવામાં આવેલું છે.
