ભારતમાં આયોજિત 72મી મિસ વર્લ્ડનું શનિવારે હૈદરાબાદમાં ગ્રાન્ડ ફિનાલે યોજાયું હતું. ભારતની નંદિની ગુપ્તાની જીતની આશા પર પાણી ફરી વળ્યુ હતું. થાઈલેન્ડની ઓપલ સુચાતા યુઆંગ્સરીને મિસ વર્લ્ડનો તાજ પહેરાવવામાં આવ્યો હતો.
મિસ ઈથોપિયાની હેસેટ ડેરેજ ફર્સ્ટ રનરઅપ જ્યારે મિસ પોલેન્ડને ત્રીજું સ્થાન મળ્યું છે. ભારતની નંદિની ગુપ્તા અંતિમ 20માં સ્થાન મેળવ્યા બાદ બહાર થઈ ગઈ હતી.
મહત્ત્વનું છે કે, મિસ વર્લ્ડ જીતનાર છેલ્લી ભારતીય માનુષી છિલ્લર હતી. જેણે 2017માં તાજ જીત્યો હતો. આ સિવાય અન્ય પાંચ ભારતીયોએ રીટા ફારિયા, ઐશ્વર્યા રાય, ડાયના હેડન, યુક્તા મુખી અને પ્રિયંકા ચોપરાએ પ્રતિષ્ઠિત તાજ જીત્યો છે.
