Gujarat24

Ambaji Mandir: બેસતા વર્ષે અંબાજી મંદિરમાં સોનાનું દાન, નવા વર્ષના પ્રારંભે દાતાએ ગુપ્ત ઓળખ રાખી માતાજીને રુપિયા 13 લાખનું સોનું ભેટ ધર્યું

Share On :

Ambaji Mandir News: નવા વર્ષના શુભ દિવસે, એટલે કે બેસતા વર્ષના પ્રારંભે, પ્રસિદ્ધ અંબાજી મંદિરને એક ભક્ત તરફથી સોનાનું મોટું દાન મળ્યું છે. માતાજીના એક માઈ ભક્ત દ્વારા અંબાજી મંદિર ટ્રસ્ટને 100 ગ્રામ સોનું અર્પણ કરવામાં આવ્યું છે, જેની અંદાજિત બજાર કિંમત રૂપિયા 13,00,000 જેટલી થાય છે.

નવા વર્ષના પવિત્ર અવસર પર આ ભક્તે માતાજીના ચરણોમાં સોનાની આ કિંમતી ભેટ અર્પણ કરી છે, પરંતુ તેમણે પોતાની ઓળખ સંપૂર્ણપણે ગુપ્ત રાખવાની ઈચ્છા વ્યક્ત કરી હતી. દાતાની ઈચ્છાને માન આપીને મંદિર ટ્રસ્ટે તેમની ઓળખ જાહેર કરી નથી.

Salangpur Hanumanji: નૂતન વર્ષનો પ્રારંભ નિમિત્તે શ્રીકષ્ટભંજનદેવ હનુમાનજીદાદાને સુવર્ણ વાઘા અને સિંહાસને ફુલનો શણગાર, દર્શને ભક્તો ઉમટ્યા, છપ્પનભોગ અન્નકૂટ ધરાવાયો

મંદિર ટ્રસ્ટ વતી ટેમ્પલ ઇન્સ્પેક્ટર પ્રવીણભાઈ ગોસ્વામીએ આ સોનાનું દાન વિધિવત રીતે સ્વીકાર્યું હતું. નવા વર્ષના પ્રારંભે જ આટલું મોટું દાન મળવાથી મંદિર ટ્રસ્ટના અધિકારીઓએ માતાજીના અજાણ્યા ભક્તનો આભાર વ્યક્ત કર્યો હતો. આ દાનથી અંબાજી મંદિરમાં માતાજીના શણગાર અને મંદિર વિકાસના કાર્યોને વધુ વેગ મળશે.