Ahmedabad Crime News: અમદાવાદના ચાંદખેડા વિસ્તારમાં શનિવારે બપોરે એક હચમચાવી દેનારી ઘટના સામે આવી છે. ચાંદખેડા પોલીસ સ્ટેશનના ધાબા પરથી જ એક વ્યક્તિએ કૂદકો લગાવીને પોતાનું જીવન ટૂંકાવી દીધું છે. પોલીસ સ્ટેશન પરિસરમાં જ બનેલી આ ઘટનાને પગલે પોલીસ બેડામાં અને સ્થાનિક વિસ્તારમાં ચકચાર મચી ગઈ છે.
શું છે સમગ્ર ઘટના?
મળતી માહિતી મુજબ ચાંદખેડામાં વેલજીભાઈના કૂવા પાસે રહેતા સુરેશભાઈ બદાણી નામના વ્યક્તિએ શનિવારે (29 નવેમ્બર) બપોરના સમયે ચાંદખેડા પોલીસ સ્ટેશનના ધાબા પરથી નીચે કૂદકો લગાવ્યો હતો. ઉપરથી નીચે પટકાતા સુરેશભાઈને શરીરે ગંભીર ઈજાઓ પહોંચી હતી. પોલીસ સ્ટાફ દ્વારા તેમને તાત્કાલિક સારવાર અર્થે હોસ્પિટલ ખસેડવામાં આવ્યા હતા, પરંતુ ત્યાં સારવાર દરમિયાન તેમનું મોત નીપજ્યું હતું.
આ કરૂણ ઘટના પાછળ કૌટુંબિક કારણ જવાબદાર હોવાનું સામે આવ્યું છે. મૃતક સુરેશભાઈના પત્ની અને પુત્રોએ તેમની સામે પોલીસ ફરિયાદ નોંધાવી હતી. પોતાના જ પરિવારજનો દ્વારા ફરિયાદ થતાં સુરેશભાઈને ખૂબ જ લાગી આવ્યું હતું અને આઘાતમાં સરી પડ્યા હતા. જેના કારણે તેમણે પોલીસ સ્ટેશનના ધાબા પર જઈને આ અંતિમ પગલું ભર્યું હોવાનું પ્રાથમિક તપાસમાં જાણવા મળ્યું છે. આ ઘટના અંગે ચાંદખેડા પોલીસે હાલ અકસ્માત મોતનો ગુનો નોંધીને મૃતદેહને પોસ્ટમોર્ટમ માટે મોકલી આપ્યો છે અને સમગ્ર મામલે વધુ તપાસ હાથ ધરી છે.
શું છે સમગ્ર ઘટના?
મળતી માહિતી મુજબ ચાંદખેડામાં વેલજીભાઈના કૂવા પાસે રહેતા સુરેશભાઈ બદાણી નામના વ્યક્તિએ શનિવારે (29 નવેમ્બર) બપોરના સમયે ચાંદખેડા પોલીસ સ્ટેશનના ધાબા પરથી નીચે કૂદકો લગાવ્યો હતો. ઉપરથી નીચે પટકાતા સુરેશભાઈને શરીરે ગંભીર ઈજાઓ પહોંચી હતી. પોલીસ સ્ટાફ દ્વારા તેમને તાત્કાલિક સારવાર અર્થે હોસ્પિટલ ખસેડવામાં આવ્યા હતા, પરંતુ ત્યાં સારવાર દરમિયાન તેમનું મોત નીપજ્યું હતું.
આ કરૂણ ઘટના પાછળ કૌટુંબિક કારણ જવાબદાર હોવાનું સામે આવ્યું છે. મૃતક સુરેશભાઈના પત્ની અને પુત્રોએ તેમની સામે પોલીસ ફરિયાદ નોંધાવી હતી. પોતાના જ પરિવારજનો દ્વારા ફરિયાદ થતાં સુરેશભાઈને ખૂબ જ લાગી આવ્યું હતું અને આઘાતમાં સરી પડ્યા હતા. જેના કારણે તેમણે પોલીસ સ્ટેશનના ધાબા પર જઈને આ અંતિમ પગલું ભર્યું હોવાનું પ્રાથમિક તપાસમાં જાણવા મળ્યું છે. આ ઘટના અંગે ચાંદખેડા પોલીસે હાલ અકસ્માત મોતનો ગુનો નોંધીને મૃતદેહને પોસ્ટમોર્ટમ માટે મોકલી આપ્યો છે અને સમગ્ર મામલે વધુ તપાસ હાથ ધરી છે.
